ವಿವಾಹೋಪಯುಕ್ತ ಕೋಷ್ಟಕಗಳು

ಕುಜ ದೋಷ ಮತ್ತು ವಿವಾಹೋಪಯುಕ್ತ ಕೋಷ್ಟಕಗಳು :

ವಧು–ವರರ ಜನ್ಮ ಲಗ್ನ ಚಂದ್ರ ಮತ್ತು ಶುಕ್ರರಿಂದ ೧,೨,೪,೭,೮,೧೨ ಸ್ಥಾನಗಳಲ್ಲಿ (ರವಿ,ಕುಜ,ಶನಿ,ರಾಹು,ಕೇತು)ಪಾಪಗ್ರಹರಿದ್ದರೆ ದೋಷವೆಂತ ಗ್ರಹಿಸಬೇಕು.ಪಾಪಗ್ರಹರ ಪೈಕಿ ಕುಜದೋಷವು ಬಲಿಷ್ಠವಾಗುತ್ತದೆ. ಕರ್ಕಾಟಕ, ಸಿಂಹ, ಧನು,ಮಕರ, ಮೀನ ಲಗ್ನ ಮತ್ತು ರಾಶಿಗಳಾದರೆ ಕುಜ ದೋಷವು ಗಣ್ಯವಾಗುವುದಿಲ್ಲ ಮಾತ್ರವಲ್ಲ ಜನ್ಮ ಲಗ್ನದಿಂದ ೯ ನೆ ಮನೆಯಲ್ಲಿ ಶುಭಗ್ರಹರಿದ್ದರು (ಚಂದ್ರ,ಗುರು,ಶುಕ್ರರು)ಗಣ್ಯವಾಗುವುದಿಲ್ಲ. ಇತರ ಗ್ರಹರ ಬಲಾಬಲಗಳಿಂದ ಹೆಚ್ಚು ಕಡಿಮೆಯಾಗುವುದನ್ನು ಚಿಂತಿಸಬೇಕಾಗುತ್ತದೆ. ವರನ ಜಾತಕದಲ್ಲಿ ಬಲಾಧಿಕ್ಯವಿದ್ದರೆ ಅದು ಗಣ್ಯವಾಗುವುದಿಲ್ಲ.

ಕೋಷ್ಟಕಗಳನ್ನು ನೋಡುವಾಗ ವಧು–ವರರ ಜನ್ಮ ನಕ್ಷತ್ರ – ರಾಶಿಗಳಿಂದ ನಾಮ ನಕ್ಷತ್ರ –ರಾಶಿಗಳಿಂದ,ವಧೂವರರ ನಕ್ಷತ್ರ–ರಾಶಿಗಳಿಗೆ ಸರಿಯಾಗಿ ನೋಡಬೇಕು.

೧ . ವರ್ಣಕೂಟ: ಹಿಂದೆ ರಾಶಿ ಪ್ರಕರಣದಲ್ಲಿ ಹೇಳಿದ ವಧು ವರರ ರಾಶಿಗಳು ಒಂದೇ ವರ್ಣವಾದರೂ ವಧೂ ವರ್ಣಕ್ಕಿಂತ ವರನ ವರ್ಣವು ಉತ್ತಮವಾದರೂ ಶುಭವೆಂದು ಗ್ರಹಿಸಬೇಕು ಇದರ ಗುಣ ೧

೨. ವಶ್ಯಕೂಟ : ಮೇಷಕ್ಕೆ–ಸಿಂಹ,ವೃಶ್ಚಿಕ; ವೃಷಭಕ್ಕೆ–ಕರ್ಕಾಟಕ, ತುಲಾ; ಮಿಥುನಕ್ಕೆ–ಕನ್ಯಾ, ಕರ್ಕಾಟಕಕ್ಕೆ–ವೃಶ್ಚಿಕ,ಧನು; ಸಿಂಹಕ್ಕೆ–ತುಲ,ಕನ್ಯಕ್ಕೆ–ಮಿಥುನ,ಮೀನಾ , ತುಲಾಕೆ–ಮಕರ ,ವೃಶ್ಚಿಕಕ್ಕೆ–ಕರ್ಕಾಟಕ,ಕನ್ಯಾ,ಧನುವಿಗೆ–ಮೀನ,ಮಕರಕ್ಕೆ–ಮೇಷ,ಕುಂಭ, ಕುಂಭಕ್ಕೆ–ಮೇಷ, ಮೀನಕ್ಕೆ–ಮಕರ ಹೀಗೆ ವಶ್ಯಕೂಟವಿರುವಲ್ಲಿ ಸ್ತ್ರೀ ರಾಶಿಗೆ ಪುರುಷ ರಾಶಿಯು ವಶ್ಯವಿರಬೇಕು ಇದಕ್ಕೆ ಗುಣ ೨

೩. ತಾರಾಕೂಟ : ವಧೂ ಜನ್ಮ ನಕ್ಷತ್ರವನ್ನು ಒಳಗೊಂಡು ವರನ ಜನ್ಮ ನಕ್ಷತ್ರದ ವರೆಗೆ ತಾರಾಬಲ ನೋಡುವ ಕ್ರಮದಂತೆ ೯ ರಿಂದ ಭಾಗಿಸಿ ಉಳಿದ ಶೇಷ ಸಂಖ್ಯೆ ೩ (ವಿಪತ್), ೫ (ಪ್ರತ್ಯರ), ೭(ವಧ)ತಾರೆಗಳು ವರ್ಜ್ಯವಾಗುತ್ತದೆ . ಇದಕ್ಕೆ ಗುಣ ೩.

೪. ಯೋನಿಕೂಟ : ವಧೂವರರ ಜನ್ಮನಕ್ಷತ್ರ ನಾಮ ನಕ್ಷತ್ರಗಳಿಗೆ ನಕ್ಷತ್ರ ಪ್ರಕರಣದಲ್ಲಿ ಕಾಣಿಸಿದಂತೆ ವೈರ ಯೋನಿ ಇರಕೂಡದು ಇದಕ್ಕೆ ಗುಣ ೪.